Ég er ein af þeim lánsömu sem kynntist henni Gyðu og hef bæði verið í einkaþjálfun og í tímum hjá henni og get ég með fullri vissu sagt að hún sé fagmaður fram í fingurgóma. Tímarnir hennar eru krefjandi, mjög vel skipulagðir og reyna verulega á þol og getu fólks á ólíkan hátt. Sjálf æfi ég mikið en hjá Gyðu fæ ég gott spark og miklar áskoranir og hún slær ekki slökum við. Auk þess er hún bara mikill húmoristi og skemmtileg sem mér finnst skipa máli, en fyrst og fremst hefur hún mikinn metnað og er fagmaður fram í fingur góma.

★★★★★

Ása Karín Hólm

 Mig vantaði smá spark til að koma mér almennilega í ræktargírinn aftur eftir þokkalega langt hreyfingarleysi. Ég hef fylgst með Gyðu í Hress, hef verið í tímum hjá henni, finnst hún algjör nagli og taldi að það yrði flott að fara í fjarþjálfun hjá henni. Ég þurfti að láta ýta rækilega við mér og koma mér í gírinn aftur, bæði í hreyfingu og mataræði. Það tókst svo sannarlega með skemmtilegum æfingum og frábæru skipulagi. Hún var dugleg að hafa samband af fyrra bragði og athuga hvernig gengi sem ég kunni mjög mikið að meta. Það hélt mér vel á tánum. Gyða stóðst allar mínar væntingar sem þjálfari. 

★★★★★

Eva Lind Björnsdóttir

 Ég fór inn í þjálfun hjá Gyðu í þeim tilgangi að koma mér í alhliða betra form. Gyða er hrikalega flottur þjálfari sem notar útiröddina þegar á því þarf að halda og hvetur mann áfram. Hún er með mjög fjölbreytta tíma og enginn tími eins. Fyrir þá sem stunda skrifstofuvinnu er algerleganauðsynlegt að hreyfa sig reglulega og ég get algerlega mælt með einkaþjálfun Gyðu í því samhengi. Það er ótrúlegt að þrátt fyrir hversu þung spor geta verið að fara í ræktina snemma á morgnanna þá að æfingu lokinni hjá Gyðu er maður klár í daginn, búinn að taka á því, búinn að hreinsa hugann og tilbúinn í komandi verkefni dagins.

★★★★★

Eymundur Sveinn Einarsson

Gyða er frábær þjálfari. Mjög skipulögð með skemmtilegar og krefjandi æfingar. Hún er metnaðarfull og góð í að sníða æfingaprógram og matarplan eftir þörfum hvers og eins. Það er alltaf gaman að mæta í þjálfun til Gyðu sem og í hóptíma því fjölbreytni er alltaf til staðar og maður nær alltaf að taka vel á því. Ekki skemmir hvað Gyða er alltaf hress með bros à vör. Gyða hefur kennt mér svo margt t.d að breyta viðhorfi mínu gagnvart mat og hvað hreyfing skiptir miklu máli fyrir andlega og líkamlega heilsu. Ég mæli hiklaust með þessum snillingi.

★★★★★

Unnur Atashi   

Ég hef verið í þjálfun hjá Gyðu sl. 16 mánuði og er alls ekki hætt. Í upphafi mætti ég með verki í öxlum og hálsi sem hafði hamlað mér mikið í ræktinni. Með fagmennsku Gyðu sem setti upp æfingar að minni getu á hverjum tíma er ég núna algjörlega verkjalaus og hef náð miklum árangri í styrk, getu og einnig hafa ýmis ummál minnkað. Gyða er ótrúlega hvetjandi, fagleg og leggur mikið upp úr því að leiðbeina vel svo æfingar séu gerðar réttar, enda hef ég aldrei verið betri í skrokknum, eftir að hafa verið með stoðkerfisverki í mörg ár. Gyða er einnig alltaf tilbúin að leiðbeina með matarræði og markmiðasetningu sem er frábært og hefur nýst mér vel. Ég mæli 100% með þjáflun hjá Gyðu.

★★★★★

Eva Helgadóttir

Ég varð svo heppin á Hressleikunum 2019 að vinna mánaðar þjálfun hjá Gyðu í happadrætti. Nú er árið 2022 og ég er ennþá í þjálfun hjá henni! Áður en byrjaði hjá Gyðu þá var ég að mæta í ræktina 4-6 sinnum í viku og var alltaf í krefjandi tímum eins og HIIT, Tabata og stöðvaþjálfun. Ég hef alltaf reynt að lyfta þungt og keyrt mig vel út á hverri æfingu en einhvernveginn ekki náð þeim árangri sem ég vildi. Eftir fyrstu tvær vikurnar í þjálfun hjá Gyðu þá fór ég strax að sjá árangur, bæði sjáanlegan og styrktarlega séð. Hver æfing er vel úthugsuð hjá henni og maður er aldrei að gera það sama sem gerir þetta svo einstaklega skemmtilegt ásamt því að vera árangursríkt.Hún hjálpaði mér einnig með mataræðið bæði með ráðum og eftirfylgni. Hún heldur vel utan um mann og maður finnur að hún hefur mikla ástríðu fyrir því sem hún gerir.

★★★★★

Ásta Rós Magnúsdóttir

Hvenær á ég að hafa tíma fyrir það að fara í ræktina? Það var alltaf spurningin sem kom upp þegar ég var að leita af ástæðum fyrir að fara ekki af stað. Mig dauðlangaði að hreyfa mig en fann alltaf einhverja nýja ástæðu fyrir að fara ekki af stað. Rekst svo á blogg frá Gyðu þar sem hún talar um af hverju konur setji sjálfa sig alltaf til hliðar. Það eru börnin, það er heimilið, það er vinnan, það eru vinirnir en aldrei tími fyrir okkur sjálfar. Þarna kom það og án þess að hugsa málið frekar sendi ég Gyðu skilaboð og skráði mig í fjarþjálfun og sé sko ekki eftir því. Utanumhaldið, hvatningin, eftirfylgnin og umhyggjan sem Gyða sýnir fólki er aðdáunarverð. Hún spyr spurninga og kemur til móts við fólk þar sem það er statt og passar að æfingarnar séu skemmtilegar og krefjandi. Gyða er frábær þjálfari og hress og skemmtileg. Hún er eiginlega hinn fullkomni skammtur af G-vítamíni. 

★★★★★

Hlín Sigurbjörnsdóttir

Ég hef lengi verið í baráttu við aukakílóin sem hafa verið mér ofvíða. Hef verið hjá ýmsum aðilum sem hafa bæði greint mig með PCOS og ýmsa kvilla sem fylgja yfirþyngd.
Fyrir tilviljun datt ég inn hjá Gyðu minni, tíminn hefur verið skammur en árangur framúr væntingum.
Hennar skipulag hentar mér mjög vel, hún er ákveðin en á móti hress og skemmtileg.
Ég mæli sannanlega með þjálfun hjá Gyðu!

★★★★★

Anna María Villacorta

Mig vantaði smá hvatningu og aga til að koma mér í gang í ræktinni aftur eftir nokkurra ára hlé og vinur minn fékk mig til að koma með sér til Gyðu í einkaþjálfun. Það er ákvörðun sem ég sé alls ekki eftir, Gyða er gjörsamlega frábær, bæði sem persóna og sem þjálfari og hefur þetta extra sem þjálfarar þurfa að hafa. Tímarnir hjá henni eru krefjandi, skemmtilegir og aldrei eins þannig maður fær ekki leið á æfingunum, þvert á móti hlakka ég til að mæta til hennar. Hún er með þetta allt á hreinu, æfingar hjá henni eru fjölbreyttar og taka bæði á þreki og byggja upp styrk, stundum erfiðar og stundum léttari en aldrei þannig að maður vilji hætta og gefast upp. Gyða er mjög skipulagður kennari og markviss, fróð um allt sem kemur að heilsu, æfingum og mataræði og kann listina við að hvetja fólk áfram, Hún hefur hjálpað mér mikið við að ná árangri í að auka vöðvamassa og lækka fituhlutfall, eitthvað sem ég var í vandræðum með áður en ég byrjaði hjá henni. Ef þig vantar góðan einkaþjálfara þá þarftu ekki að leita lengur.

★★★★★

Johann Helgason

Ég byrjaði í þjálfun hjá Gyðu fyrir rúmlega ári síðan, vegna þess að ég vildi auka styrk, vöðvamassa og fá faglega þjálfun þar sem ég hafði verið að glíma við útbungun í mjóhrygg. Árangurinn lét ekki á sér standa, með fjölbreyttri og vel skipulagðri þjálfun hef ég náð mjög miklum árangri og hef ég aldrei verið í jafn góðu líkamlegu formi. Gyða er algjör fagmaður á sínu sviði og mæli ég hiklaust með þjálfun hjá henni. Hún veitir frábæra heildræna og heilbrigða nálgun hvað varðar mataræði og æfingar.

★★★★★ 

Stella Vattnes

Það er enginn betri en Gyða. Drífandi og kraftmikil og heldur manni algjörlega við efnið. Það er alltaf gaman að mæta á æfingar því æfingarnar eru ótrúlega krefjandi og skemmtilegar og ávallt fjölbreyttar. Hún hefur hjálpað mér að breyta viðhorfi mínu til hins betra þegar kemur að hreyfingu og hollu mataræði. Hún fær alltaf mín bestu meðmæli.

  ★★★★★

    Rósa Árnadóttir